عنوان الابداع
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 أشعار حب ولا أحلى

اذهب الى الأسفل 
كاتب الموضوعرسالة
true~Love
ادارة منتدى فيف
ادارة منتدى فيف
avatar

انثى
عدد الرسائل : 127
العمر : 22
العمل/الترفيه : الرسم.
المزاج : nothing
تاريخ التسجيل : 26/11/2008

مُساهمةموضوع: أشعار حب ولا أحلى   الأحد يناير 18, 2009 6:58 pm

،؛، .. يا قـــو قلــــبـــك .. ،؛،

ياقو قلبك على الصّـده ويـا صُــــــبـرك
وياوسع صدري على صدك ويا صُبري

وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري

والله لون حمل صبري فوقـك..ان تبرك
والله ولو تعتذر منـت بعلـى خــــــــبـري

ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري

تـــزعل وترجع وتـلقانـي عــــلـى خبـرك
وانا انكسر لك واجـــــيـك ادوّر لــجبـري

طـــيفك وذكــــراك طـيلـة غيبتـــك سبـرك
وشـــــوقي لشوفتك طيلة غيبتـك سبـري

امـــــحق وليف ومحبه والا اقــول ابـرك
حسبي عليك اعشقك وانت اتحفر قــبري





،؛، .. لا ضاقت الدنيـــا .. ،؛،

لا ضاقت الدنيا عليك وتشاويت ..
.. خلق الله اللي فالرخا كان واجد

ومن العرب والصوت والثوب مليت ..
.. وقامت عليك هموم بأقعا تراجد

فارفع يديك لخالقك لا توضيت ..
.. وادعو تراك أقرب إليا صرت ساجد

ووقت من أوقاتك للأوقات توقيت ..
.. وسجل لنفسك في المساجد تواجد

وأبشر بفزعة حامي الدين والبيت ..
.. إليا هجدك من الهواجيس هاجد

اللي يميت الحي ثم يحيي الميت ..
.. لرضاه شف كثر البشر بالمساجد





،؛،.. يالله عفوك ..،؛،
يالله عفوك يوم تصفية الحساب ..
.. يوم حصاد لما زرعنا في السنين

يوم الحشر قرب ولا معنا زهاب ..
.. اليوم في الدنيا وبكرة راحلين

نجني ذنوب ونرتجي عفو وثواب ..
.. وعلى نصر ربي لنا مستعجلين

تدرون ليه آمالنا كنها سراب ..
.. تدرون ليه النصر سيف الأوليين

الأوليين أعمالهم وفق الكتاب ..
.. قاموا عليه وباعوا الدنيا بدين

وحنا غفلنا بين مالذ وطاب ..
.. والنصر سيف ما يسله غافلين

نصبح على شوف انتهاكات وخراب ..
.. ونمسي على دمع وتنهات وونين

بصدورنا شي تذوب اله الهضاب ..
.. وأفعالنا والواقع رياح .. وطحين

وعلى العيون من الفتن مثل الضباب ..
.. معد درينا من يسار ومن يمين

ما للضيف الا الدعا لو ما يجاب ..
.. ما غيره الا الشوف مكتوف اليدين

يالله زلزل تحت الأعداء التراب ..
.. والطف بنا واحقن دماء المسلمين

ندعوك يا قادر على جعل السحاب ..
.. جيش لنصرة قلة مستضعفين

أغرقهم بنوع من أنواع العقاب ..
.. غرق الغلام اللي يحسب انه فطين

لوما عصى نوح نجا به في رحاب ..
.. سفينته وأمضى معه في العمر حين

لكنه اختار الخساره والذهاب ..
.. اصنع بهم صنعك به وانت المتين

والا اخذهم يا مجري سود الحقاب ..
.. أخذ العجوز اللي بقت في الغابرين

ذوقهم اللهم أنواع العذاب ..
.. اللي عثوا في أرضك أمن المفسدين

وألطف بمن لبسوا من التقوى ثياب ..
.. عبادك المستهدفين المتقين

تكالبت عليهم أنياب الذئاب ..
.. ولا غير عونك يا معين الصابرين

من بينهم شيبه يعجزون الشباب ..
.. من وقفته من طولها في الركعتين

ومن بينهم بنت تون بلا حجاب ..
.. أحجابها لفوا به الجرح المكين

وطفل عن عيون أمه الثنتين غاب ..
.. تبكيه عين وتلتفت لأخيه عين

من هول ما يجري لهم شاب الغراب ..
.. يا وسع حلمك وانت ما فوقك مدين

أدعيك وانت ادرى بحال أهل المصاب ..
.. وأمد كفي لك يا أكرم الأكرمين



،؛، الحب مثل النوم ،؛،

الحب مثل النوم .. والوصل .. الاحلام..
.. والشيين من الاحلام..صـد المحبييـن

نوم ٍ طويل ٍ عمره اشهـوور واعـواام ..
.. وان قمت.. ففهمها فرااق وسهر عيـن

وانا رقدت وعمري اربع عشـر عـام ..
.. وصحيت في شهر اربعه عام الالفيـن

نـوم ٍ ثقيـل ٍ كلـه احـلام واوهـاام ..
.. ونصيبي من احلامـه الجانـب الشيـن

صحّى الفرااق اقلوب في عكسه..نيـام ..
.. وغاب الفرح وانا بعكسه الـى اللحيـن

ياحزن كبدي حزن من ضاق ثـم حـام ..
.. اخذت فروخه مـادرى ليـه ولويـن؟

بعد ما شاف العـش عيـدان وعظـام ..
.. خاالي..تفكر فووق ويسـاار.. ويميـن

خلا عشاها فيه ومـن الوطـى شـاام ..
.. زبن علـى روحـه وفـل الجناحيـن

وياوجد حالي وجد مـن نـام ثـم قـام ..
.. على صياح امـه وهـو دون رجليـن

عويـق وامـه تنعتـه والنعـت سـام ..
.. وهو خابر انه يقسـم الصـف صفيـن

حبا وصاح بصيحـة ٍ تاصـل الشـام ..
.. منهـا تقطّـع فـي خفوقـه شراييـن

على وليـف ٍ قسـم اظنونـي اقسـام ..
.. واقفى وانا ما اعـرف طـرد المقفيـن

راح وترك في صدري ووسووم واعلام ..
.. وصـى علـي طيفـه وقفـى بقلبيـن

ليتـه تعـذّر كـان مـاهـو بـمّـلام ..
.. بعد ماشـااف الـدرب بيسيـر دربيـن

اشوى عليه شوي..مـن عـظ الابهـام ..
.. واشوى علي شوي..من دمعـة البيـن

تمشـي بنـا الاقـدام والمـوت قـدام ..
.. وميعادنـا يمفـرق اثنـيـن بعـديـن

ياعيـن لا تبكـيـن وعيـونـه تـنـام ..
.. عادش الى ما خـاب ظنـي بترضيـن

لـو الدمـوع اتفيـد فـادن الايـتـام ..
.. ولـو الكـلام يفيـد عـادت فلسطيـن

ولـو النبـاات يطّلعـه دمعـة هيـام؟..
.. شفتوا علـى وجهـي ورود وبساتيـن

الحب سجن..وبعد الاحبـاب الاعـدام ..
.. وقلوبنـا السجّـان مـدري مساجـيـن

الحب نوم ٍ عمـره اشهـوور واعـوام ..
.. وان قمت ففهمها فرااق وسهـر عيـن








غــــــــــــــــــــــزة~~~تنزف~~~يا للعارِِ~يا عرب اين انتم اين





Gaza for live Arrow gaza for live

Love
true





True~Love
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
راعية المشاكل
مشرفة على قسم رسائل الجوال ~
مشرفة على قسم رسائل الجوال ~


انثى
عدد الرسائل : 61
الموقع : ما كوو
العمل/الترفيه : اسوي مشاكل عوودهــ
المزاج : بنوتة كول
تاريخ التسجيل : 08/01/2009

مُساهمةموضوع: رد: أشعار حب ولا أحلى   الخميس يناير 22, 2009 10:32 pm

نااايس ^ ^
يعطيج العافية خيتوو
واصلي
دمتي بود
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فتاة بلا عنوان
ادارة منتدى فيف
ادارة منتدى فيف
avatar

انثى
عدد الرسائل : 317
العمر : 24
الموقع : http://feef.akbarmontada.com/
تاريخ التسجيل : 25/07/2008

مُساهمةموضوع: رد: أشعار حب ولا أحلى   الخميس يناير 29, 2009 3:12 pm

شكرا على الموضوع الرائع
دمتي بخير
غاليتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://feef.akbarmontada.com
true~Love
ادارة منتدى فيف
ادارة منتدى فيف
avatar

انثى
عدد الرسائل : 127
العمر : 22
العمل/الترفيه : الرسم.
المزاج : nothing
تاريخ التسجيل : 26/11/2008

مُساهمةموضوع: رد: أشعار حب ولا أحلى   الأربعاء يونيو 03, 2009 9:38 pm

شكرا على مروركم الرائع ودمتم بخير غالياتي





Love
true





True~Love
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أشعار حب ولا أحلى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
}.فـــيفــــ.{ :: احاسيس ومشاعر :: قسم الاشعار-
انتقل الى: